أنا يا رب، ما إلي عين قلّك مع آلامك. بخجل إشركك بأوجاعي، إنت اللي جيت
لحتى تنشلنا من ضياع وجع هالأرض.
لحتى تنشلنا من ضياع وجع هالأرض.
أنا يا يسوعي بستحي لما كتير إنوجع، وإغلط وقلّك: مع آلامك يا يسوع، لأنّو آلام
الإنسان متل هالدنيي، دنيّة، ماإلها علاقة بآلامك السماوية. بخجل منّك يا رب لأنّو
نحنا البشر آلامنا مربوطة بهالنفس الملهيّة بأمور الأرضيّات: كلسات خواتم برادي
دواليب تلفزيون إنترنيت تلفون كبايات وقناني وكتير كتير من الأنانيّة، وإنت بكل
لحظة عم تدفع حقّ أرواحنا من دمّك الربّاني بجسدك الإنساني! شو هالحب
الإنسان متل هالدنيي، دنيّة، ماإلها علاقة بآلامك السماوية. بخجل منّك يا رب لأنّو
نحنا البشر آلامنا مربوطة بهالنفس الملهيّة بأمور الأرضيّات: كلسات خواتم برادي
دواليب تلفزيون إنترنيت تلفون كبايات وقناني وكتير كتير من الأنانيّة، وإنت بكل
لحظة عم تدفع حقّ أرواحنا من دمّك الربّاني بجسدك الإنساني! شو هالحب
المعجزة اللي مستحيل نقدر نفهموا، نحنا اللي لابسين تياب الحياة ومشاغلها…
كيف بدّي إشرك أوجاعي بأوجاعك اللي كانت ثمن حياتنا. أوجاعك اللي اشتريت
فيها كرامة الإنسان، والإنساناللي عم يلتهي يشتري تياب وبيوت وأراضي وسيارات
ومجوهرات وإشيا كتيرة ما بيقدر بأثمانها كلها يشتري شبر واحد من ملكوتك البعيد.
نعم يا رب ملكوتك كتير بعيد ونحنا كتير غرباء عن مملكة السما. نحنا يا رب إذا
حبّينا منحبّ بأنانيّتنا، إذا كرهنا منستجمع كره جهنّم معنا، وإذا غضبنا منكسر
طراوة هالقلب الرقيق ومنعمل منّو حجر نراشق فيه إخوتنا.
فيها كرامة الإنسان، والإنساناللي عم يلتهي يشتري تياب وبيوت وأراضي وسيارات
ومجوهرات وإشيا كتيرة ما بيقدر بأثمانها كلها يشتري شبر واحد من ملكوتك البعيد.
نعم يا رب ملكوتك كتير بعيد ونحنا كتير غرباء عن مملكة السما. نحنا يا رب إذا
حبّينا منحبّ بأنانيّتنا، إذا كرهنا منستجمع كره جهنّم معنا، وإذا غضبنا منكسر
طراوة هالقلب الرقيق ومنعمل منّو حجر نراشق فيه إخوتنا.
نعم يا رب، ملكوتك بعيد بعيد ونحنا كل يوم عم نبعد أكتر! حتى بمرضنا لمّا منندهلك
منفتكر إنو إلنا حقوق عليك وإنّك مجبور تشفينا، كأنّا شي لعبة مكسورة ولازم
تصلّحها بأعجوبة، ومننسى إنو هالدني كلها مشوار قصير، ما بتحرز نركّز إذا
هالجسد عليل أو صحيح، لأنه كم فشخة وبيخلص المشوار، منلتقي فيك وما بيعود
ينفع نندم إنو فتّشنا على أمور تانية غير وجّك يا رب..
منفتكر إنو إلنا حقوق عليك وإنّك مجبور تشفينا، كأنّا شي لعبة مكسورة ولازم
تصلّحها بأعجوبة، ومننسى إنو هالدني كلها مشوار قصير، ما بتحرز نركّز إذا
هالجسد عليل أو صحيح، لأنه كم فشخة وبيخلص المشوار، منلتقي فيك وما بيعود
ينفع نندم إنو فتّشنا على أمور تانية غير وجّك يا رب..
نحنا حتى بعتمتنا، لمّا منندهلك، منندهلك بخوفنا لأنّو حقيقة عتمتنا بالفعل بتخوِّف،
ومش لأنّو بدنا ياك، لكن لأنّو خيفانين من عتمة أفكارنا. إصحك شي يوم تصدّق إنّو
عم نندهلك بدنا ياك إلك وحدك. لأ! نحنا يا رب ما منعرفك ولا منقدر نعرفك لحتى
نطلبك ونندهلك. ولهلسبب بالذات إنت يا ربّ تجسّدت.
ومش لأنّو بدنا ياك، لكن لأنّو خيفانين من عتمة أفكارنا. إصحك شي يوم تصدّق إنّو
عم نندهلك بدنا ياك إلك وحدك. لأ! نحنا يا رب ما منعرفك ولا منقدر نعرفك لحتى
نطلبك ونندهلك. ولهلسبب بالذات إنت يا ربّ تجسّدت.
إنت اللي نزلت عن عرشك لأرضنا، جيت تخلّصنا من ذواتنا، لأنّو بداخل كل واحد
فينا فيه ألف جهنّم وألف شيطان وكلهم بيمونوا علينا، ولهيك إنت جيت. ولهيك رح
تبقى مصلوب وموجوع وغريب بدنيتنا نحنا البشر، دنيتنا بشعة كتير بشعة يا رب.
حتى الأرض الحلوة وكل مخلوقاتها اللي هديتنا ياهم، خرّبناهم وقتلناهم يا رب
وصرنا ناكل كل الحيوانات وحلّلنا هالمخلوقات البريئة شي للأكل وشي لرفقتنا
بالبيوت وشي للبراري وشي للمزارع وكلّ منّا عم نبعد عنّك ومش فهمانين شي!
وصرنا ناكل كل الحيوانات وحلّلنا هالمخلوقات البريئة شي للأكل وشي لرفقتنا
بالبيوت وشي للبراري وشي للمزارع وكلّ منّا عم نبعد عنّك ومش فهمانين شي!
سامحني لمّا بقلّك مع آلامك، أنا ما بستحقّ ربع جلدة متل اللي انجلدتهم كرمالي
يا يسوع، ويا ريت شي يوم بشي نهار، حدا يفهم سرّ آلامك ويقوم معك متل
هالقديسين اللي سبقونا.
يا يسوع، ويا ريت شي يوم بشي نهار، حدا يفهم سرّ آلامك ويقوم معك متل
هالقديسين اللي سبقونا.
أسجد لآلامك أيها المسيح وأنحني أمام جبروتك بثقل خطاياي.
ربيعة طوق
ربيعة طوق
No comments:
Post a Comment