يا عيدها يا عيد العياد،
لا تقول عنها اليوم بعاد!
متل اليوم مَدِّلْتنا السما إيدها،
وحطّت عالأرض أحلى زغاريدها.
أمي يا امرأة من حب ووفا وقداسة؛
إنتِ البداية وإنتِ الربيع بقلب يَباسي.
اليوم عيدك كمان عيدي
حتى لو كنتي عنّي بعيدي،
العيد وجودك رغم المسافة؛
صوتك متل الصلاة دايماً شافي،
بِلِبْسو صبحيّة ومسويّة
شو هالنعمة الإلهيّة!
ومن بلاد لبلاد،
منبقى يا امي ولاد،
ناطرين ايديكي،
ونظرات عينيكي،
ووعد اللي جايي من الإيام،
نرجع نلتقي ويطول الكلام..
عمرك يا امي من عمرنا الحلو،
يا مين يفرح كلّ الفرح نحنا إلو.
وتبقي اللي باقي من الإيام،
سبب وجودنا وزينة الأحلام.
كل عيد وعمر عيونك عمر جديد،
ليبقى النور لعيونّا يضوّي ويزيد.
ربيعة طوق
