للإختصاصيين القاعدين بالبيوت،
مطلوب طروحات لبلدنا الموقوت،
بإيجابية منتساعد لنقوّي الجبروت،
مصيرنا ومستقبلنا بإيدينا مَشروط..
أنا خوفي مش من مقبرة وتابوت،
ولا من وَبا عالمي هَيْدا قَدَرْ مَنحوت
بإيدين الرّب والرب حكمو مضبوط.
خوفي من وطن الحقّ فيه مش مظبوط!
مش بس الحكومة بالحيط رح بتفوت،
الحُكم للشعب لكن الشعب مَربوط،
شايف أمور الجمهورية بشكل مغلوط:
مش عامل واجباته وميزان عَدْلو مفخوت،
ولا معتبر حاله أساس التأزّم المضغوط!
نظام مِنهار وبعدو عم بيحطّ شروط
هالمسؤول إنت انتخبه إله الطايفة المَغلوط،
والأسوأ إنّو دايماً إصبعك عا غَيرك مخبوط،
وهيدا بالذات أمر مرفوض!....
مصيرنا ببعض مربوط؛
إذا ما تساعدنا كلّنا رح منموت
