رجع عيد البيّات، وبعدك العيد بالحياة وبالممات

يا هالعيد علينا راجع، 

صحَّيْت فينا المواجع!

أنا دنيتي إيامها خِلْيِتْ من البَيّْ،

والخَلا صحرا كبيرة ما فيها مَيّْ!

يوميّة بمشي عاحبال الصلاة طرقات،

توصّلني، ولنّو لحلم إلمح وجّك بالذات،

عم تزغر يا بيّي فينا خيالات وتِكْبَر الآهات!

والعمر ذيب ناطر نِنْعَس لحتى علينا ينقات،

بينطر مناطرة لحتى يغيبوا البيّات،

ليفترس اللي فينا باقي من ضحكات،

مخبّايين مطرح ما لمسوا إيديك الوردات!

بيعرف الديب بغيابك رجعنا زغار، يعني ولاد، 

يعني صرنا طريدة والذيب بيحبّ لحم الولاد،

اللي على غيابك وعيوا قدّيشهُن بَعدهم ولاد!

ربيعة طوق