اليوم شفت الأرزة مكسورة بتابوت

 البطل ما بيموت

لا تسألوا كيف البطل بيموت!

ولا سرّ البطولة إذا بالدم مَوروت؛

حقّ الوطن عهد مقدّس منحوت،

فداه الدم كل نقطة حجر ياقوت!

باسكال البَيّ بقلبو قداسة الملكوت،

قدّام الموت طلب أبوّتو بكلّ جبروت! 

لكن الشرّ حابك خيوطو متل عنكبوت،

ناطر يتصيّد غدر! جبان نذل عكروت!

والعدالة مخطوفة بالعها التنّين الحوت،

داير بالوطن بهجّر ويسكّر للأوادم بيوت..

اليوم الجنّاز عرس البطولة بكنيسة بيروت،

حتى لو ما كنت تعرفو قبل اغتيالو الموقوت،

باسكال من الناس اللي بعد موتها عالقلب بتفوت.

اليوم حقّك علينا كل الدموع ولا للسكوت!

كلّ عمرها الأرزة بتلفّ بغصونها التابوت،

اليوم شفت الأرزة مكسورة بقلب التابوت.

ربيعة طوق

٢٠٢٤/٠٤/١٢

أهل المعمودية أهل المعصية

 يا إسرائيل ويا فلسطين ما هذه البليّة؟

بين أطفال الحجارة وأطفال التراب بندقية!

يزعمون بأن الله هو السبب بل وهو القضية،

ونحن نشاهد، نتمزّق، نذرف الدموع الفضيّة

كيف متى ولمَ، مزّقنا وَسَحقنا دين الإنسانية؟

دين الولادة والموت وسلم الحياة الطبيعيّة،

فجميعنا إلى الفناء وللأرض وحدها البقيّة،

ما هزّنا تاريخ النزاعات والحروب الدمويّة،

ولا ارتوينا من قتل الأبرياء حسب الهويّة،

بل أمعنّا في اختراع وسائل إبادة جماعيّة،

وامتهنّا كل أشكال القتل نفتخر بها علانيّة،

نملك كل أنواع الأسلحة والمواد الكيماويّة،

ونفتقر إلى أدنى صفات الرحمة السماوية،

حتى الوحوش تتبادل بينها القليل من الوديّة،

فشلت الشياطين بمحاكاة معاصينا اليوميّة،

الأكثرية صامتة صمتها شريك في المعصية،

والسماء سحبت غطاءها تبحث عن تعزية،

واستقالت من ادّعاءاتنا بأننا أبناء الألوهية!

وحدها الحجارة في هذه الأرض لها الأحقيّة.

ربيعة طوق 

وصيّتي

يا بِكي بيكفي بقا تذرف دموع!

هالقلب يا ما ضوّا صابيعو شموع،

والوقت وحدو رفيق عالدرب طلوع،

ماشي والإيام مسبحة ما فيها رجوع..

هالدمعة، اتركها جوّا العين ترتاح!

ما فيك من الدني تلغي الهموم،

وجودها بيرسم سما متل الغيوم،

ومتل كل شي بهالدني؛ ما فيها شي بيدوم..

عيش العمر لحظة بلحظة طفل جديد،

بقلب كلّ لحظة في شي حلو عالأكيد،

حتى الحزن استقبلو بفرح متل العيد،

واتروك الله يشتغل؛ اسمحلو يمسكك بالإيد!

هالعمر هديّة، يعني مرّة العطيّة!

والعرض مباشر مش مسرحيّة،

لا تضيّع وقتك بأمور بلا أهميّة؛

حبّ الدني بلا حدود وبلا منيّة.

السرّ إنّو ما في سرّ..

في قلب، وفي دقّة

وفي إنت وفي أنا

وكلّنا للعمر زوّار

وبدّو يخلص المشوار 

عيشو! هيدا الإنتصار.

ربيعة طوق

٢٠٢٤/٠٣/٢٠

 

ماما يا ذهب القلب

ماما! العيد اليوم عالروزنامة عيدك:

شو غالي يا حبّك، وشو عالي رصيدك؛

إمي يا ذهب القلب والقلب نازل تغريد!

نحنا يامّي عصافير وإنتي الشمس والقرميد..

لو يعرف العيد إنّو إنتي العيديّة،

وإنّو وجودك أجمل وأغلى هديّة،

وإنّي يا امّي بصلّيلك ليليّة، 

تا ربّنا بعمرك يزيد ألف غنيّة..

حتى لو عنّي اليوم بعيدة،

إنتي كل يوم البركة بإيدي.

بشتقلك، بستعيرك من الحنين،

بيحضر وجّك بيقلّي الله بيعين..

تنعادي علينا يا عطيّة السما،

أيقونة قداسة مزهّر مَوْسِما.

ربيعة طوق

٢٠٢٤/٠١/٢٠ 

Enfant roi

Se souvenant d’hier, en regardant aujourd’hui et en songeant à demain, c’est toi Jésus le plus beau cadeau de tous les jours et aujourd’hui pour la célébration de Noël. C’était toi la raison pendant toutes mes saisons. 

Étant petite, t’étais le grand qui m’a tout appris. Maintenant que je suis grande, t’es le petit qui naît et renaît chaque matin pour me donner la sérénité et la joie.

T’es le fil de soie

Qui tricote ma foi

Je crois oui je crois

Et je ne choisis que toi

Je t’aime mon roi

Le chemin et le choix 

Dans toutes mes voies

Cent Milles et une fois

Seigneur c’est toi la joie

Que je chante à haute voix 

Ma demeure et mon toit

Mon sauveur avec ta croix

Oui je crois oui je crois

Je joigne mes doigts 

Et je te rends grâce toi ma loi

Que ta volonté règne en soit 

Réclamant ma vie que je te dois

Toi la raison et la saison je vois

T’es la route et le pourquoi 

La verdure pour mon bois

Je te consacre ma voix

Et mes pas tout droit

Je te crois oui je crois 

Rabiha Taouk