سنة والعمر غياب

 
مرقت سنة كلّ يوم فيها دهر وسنة
خلصت يا بيّي بعيوني الدني
قلبي عَ فراقك خَتْيَر وحِني

وحدو الوقت واقف بصمتك مِنحني

عا جلجلة سريرك درب الآلام محصّنة

عِجز الطب من كتر أوجاعك المهيمنِة

مسمّر بدون حراك لا مَيسرة ولا مَيمنِة

واحتار من عظمة جبروتك الوجع وحيَّرني

طاهر عفيف والبسمة ناطرة لتشتّي ولدنة

منوّرة تلاميحك الفيها ملكوت السما مِنبِني

بحياة كنت ملك متوّج فيها وعنها مستغني 

ضحكة بقيت رغم الأحزان والرب منها جِني

قداسة لأنه بحاجة لإنسان متلك يا بيّي غني 

بالنعمة بالكلمة يا عمر الحلو يا عمري الهني

ماتت يا بيّي عا غيابك أبوّة كنت فيها مزيّنة

طفلة زغيرة والفرحة بوجودك دايماً مأمّنة

راح معك كلّ الفرح وضحكات طفلة الولدنة

واسوَدّْ العمر اللي كان عا هيكل الحب مِنْبني

عذابك سرّ ما حدا قدر عليه يفوت

هاللي انصلب ومِنّو شارق نور ما بيموت

غيابك طويل والإيام عتمة كأني أنا بتابوت

ربيعة طوق