يا بيتي يا بويَيْتاتي

يا بيتنا ال بالعزّ فيك تربَّيت

عا بابك العالي من بعيد دقيت

يوميّة قلبي بينده صحابك عالسكَّيت

بالحلم جرسك اليوم الصبح رنَّيت

وبسرعة ورا مدخل الدرج تخبَّيت

هيدي طفولتي عبالها كون عن جدّ طلَّيت

شوف وجّ الشمس بتطليعة بيّي آخ حنَّيت

وريحة الضوّ بإيدين إمّي ومعجنها صلَّيت

لضحكات إخوتي حَلاهُن ما عرفت عدَّيت

رجّع الوقت لمحة للوقت العتيق تمنَّيت

هيدي الدني يا بيتنا الهيئة دنية ال يارَيْت 

وإن ما رجعت لا تقول عنّي نسيت أو جنَّيت

هاي أنا ساكنة بحيطانك من بعد ما فلَّيت

وجوّات حيطاني عمَّرتلّك قصورك وعلَّيت

سقف الدفا سقفك فيه الدني كلّها حبَّيت

إيام العمر جوّاتك حب دفا وحنيّة اتهنَّيت

عيوني عا شبابيبك معلّقة يا لروحي دَفَّيت

العمر كلّة كرامة كرم صدق وقداسة تهنَّيت

مع الأهل لحن السعادة جوّاتك ياما اتغنّيت

نْما رجعت بهالعمر لعتابك بالموت انطويت

خلّيك ساكنّي يا بيتنا لا تهجرني الله ترجَّيت

تكون السما متلك بكون أنا بالجنة انحطَّيت

ربيعة طوق