مشتاقة إرجع أنطر الإيام
خرطش سقف السما أحلام
اشتقت رجّع لعيوني المنام
إزرع حقول النوم ولنّو أوهام
أرسم ولوِّن صابيع القلب أنغام
اشتقت لشي صوت يدفشني لقدّام
يقلّي حدّك أنا لا تخافي شدّة أو آلام
وتطير فينا الدني فوق رفوف الغمام
والقلب دقاتو يدوِّبها هديل الحمام
مشتاقة ترجع لأرضي عصافير الإلهام
تعشّش بغصون الوعد لزيتون السلام
اشتقت أكتب قصة يكون بطلها رسّام
يلوِّن شرايين البشر إنسانيّة، حب وإلتزام
وشويّة قداسة تترك للعمر عمر من الكلام
ربيعة طوق
No comments:
Post a Comment