شو خايف قلبي عا قلبه

أوّل ما ترجع عشيّة عالبيتْ

اغمرني كأنّك اشتقتلّي وحنَّيتْ

مرق كتير وقت من لمّا فلَّيتْ

وحدي أنا وحيطان البيتْ

بحكي لحالي كأني جنَّيتْ

اغمرني غمرة عالسِّكَيتْ

دخيلك ما تكون حيطْ

معك صاير قلبي خيطْ

عم ينسرق بالوقت وبال يا ريتْ 

كذوب عليّي قلّي إنك حبَّيتْ

لحتى عا قلبي جيت اتخبَّيتْ

عا قلبك إنت عزمتني وشدّيتْ

وأنا جوّا بقلب ضلوعك غَلَّيتْ

لأني بالعاطفة والحنيّة تربّيتْ

وعن دنيتي وناسي وأهلي تخلَّيتْ

تا حضنت دنيتَك وفيها ارتضيتْ

ونسيت، وبوعدك إلي ما وفَّيتْ

وقسيت وبالجفا إنت اختفيتْ

بإيمان وخشوع ياما صلّيتْ

يرجع يضوّي بقنديلك الزّيتْ

وترجعلنا الغنيّة وقلّك اتهنَّيتْ

بإيام أجمل من كلّ شي اتمنَّيتْ

شو خايفة صير حيطْ

ويخلص بقلبي هالخيطْ 

ينقطش متل المغَّيطْ

وإنساك وإنسى إنّي حبَّيتْ.